N5036

Person

Necib Molla, Necip Molla, Necib Molla Bey, Necip Molla Bey, Ölüm, Death, Necib Molla Bey (Reisü’l-ulema), Necip Molla Bey (Head of Doctors of Muslim Theology), Rumeli Kadıaskeri Necib Molla Efendi, Head Military Judge of Rumelia Necib Molla Efendi, Cenaze merasimi, Funeral ceremony, Cenaze alayı, Funeral procession, Ayasofya Camii, Hagia Sophia Mosque, Küçük Çamlıca, Üsküdar İskelesi, Üsküdar Pier, Sirkeci İskelesi, Sirkeci Pier

Document

Handwriting

Turkish, Ottoman Turkish

Open access

Kadir Has University

Pencil on paper

Sabâh Çhârşenbe 10 Temmuz 1307 16 Zî’l-hicce 1308 [23] Temmuz 1891 1 Re’îsü’l-‘ulemâ ve hâlâ sadr-ı Rum-ili Necîb Efendi bir kaç gündenberü düçâr olduğu hastalıktan rehâyâb olamayarak dünkü Salı günü irtihâl-i dâr-i bekâ eylemiş ve na’aş-ı mağfiret-i nakşının bugün Çamlıca’daki köşklerinden kaldırılarak Üsküdâr’a ve oradan istimbotla Sirkeci İskelesi’ne nakl ile civâr-ı hazret-i Fâtih’e defni mukarrer olduğu işidilmişdir. Merhûm müşâr-ileyh asdıkâ-yı dâ’iyân-ı saltanat-ı seniyyeden ve cümlenin hürmetini kazanmış zevâtdan olmasıyla 2 ziyâ’-ı ebedisi müstelzim-i te’essür olmuşdur. Hemân cenâb-ı hakk eyyâm-ı ‘ömr ve şevket şâhâneyi müzdâd ve ferâvân ve merhûm müşâr-ileyhi dahî garîk-i deryâ-yı rahmet-i bî-payan buyursun âmîn. Sabah Pençşenbe 11 Temmuz 1307 17 Zî’l-hicce 1308 Temmuz 1891 Vukû’-ı vefâtları dünkü nüshamızda derc-i sahîfe-i te’essüf kılınmış olan Re’îsü’l-‘ulemâ ve Rum-ili Kadı’askeri Necîb Menlâ Efendi’nin haber-i vefâtı mesmû’-ı ‘âlî-i hazret-i şehriyârî buyuruldukda mesârif-i tekfiniye ve techîziyesinin ceyb-i hümâyûn-ı cenâb-ı mülûkâneden i’tâ olunmasıyla beraber cennet-mekân Sultân Mahmûd Hân-ı Gâzî hazretlerinin türbe-i şerîfeleri havalîsinde vedî’a-ı rahmetü’lahiyye kılınması hakkında irâde-i lütf-i mu’tâde-i cenâb-ı zıllullahî ‘inâyet-i efrâ-yı südûr ve sünûh buyurulmağla merhûm müşâr-ileyhin na’aş-ı mağfiret-nakşları dün sabâh Küçük Çamlıca’da kâ’in köşklerinden kaldırılub ihtifâlât-ı lâzıme ile Üsküdâr İskelesi’ne getirilmiş ve oradan istimbot ile Sirkeci İskelesi’ne nakl olunarak turuk-ı ‘aliye-i meşâyih ve dervîşânî tekbîr ve tehlîl-hân bulundukları ve polis ve jandarma ve devâ’ir-i belediye çavuşânı cenâzenin cânibinde saf-peste-i ihtirâm oldukları hâlde Ayasofya Câmi’-i Şerîfi musallâsına nakl edilmiş ve orada salât-ı cenâze ifa kılındıkdan sonra türbe-i şerîfe-i mezkûre havalîsine nakl olunarak müdeffen-i mahsûsuna defn edilmişdir. Re’isü’l-‘ulemâ Necîb Menlâ Efendi’nin Vefâtı

Istanbul Encyclopedia Archive has been opened to access in cooperation with Kadir Has University and Salt.