N3052

Building

Narlıkapu, Narlıkapı, Narlı Kapı, İstanbul Surları, City Walls of Istanbul, Yedikule Şimendöfer İstasyonu, Yedikule Tren İstasyonu, Yedikule Train Station, Kazaz Artin, Ermeni Mektebi, Armenian School, Sur Kapısı, Kitabe, Inscription, Sultanahmet, Ahmed III (Sultan), Samatya, Arab Kuyusu Mahallesi, Arab Kuyusu Neighborhood, Hüseyin Ağa, Hüseyin Agha, Ahmed Dede Mescidi, Ahmed Dede Masjid

Document

Handwriting

Ottoman Turkish

Open access

Kadir Has University

Ink on paper

[Narlu Kapu] Bu civârın bu isimle yâd olunmasına sebeb etrâf ve eknâfında bir çok nar bağçelerinin bulunmasından neşet etmişdir. Yedikule şimendöfer [i]stasyonu kurbundadır Sâhil-i bahirde [Kazaz Artin]in binâ ve ihyâkerdesi olan bir bâb mekteb ile bir de kilise vardır. Evvelce burası hastehâne imiş takriben 30 kadar hâneden ‘ibâret olan bu mahallede denize nâzır Ermenilerin mektebi menfa’atine bir şirin bir sûretde taksîm olunmuş bir de bağçe vardır. Buradaki surun kapusu üzerinde menkuş olan târîh ber-vech-i âtîdir. Padişâh-ı heft-güşûr kim hüdâ Zât-ı pâkin masdar-ı dâd eyledi Ya’nî Sultan Ahmed ‘âli-himem Ser-keşânî emre münkâd eyledi Devr-i hükmünde cihân ma’mûrdur Bu harâb-âbâdı âbâd eyledi Burc-ı devletde mekîn etsun Hudâ Bu du’ayı âlem evrâd eyledi Bâ-husûs İstanbulun surun dahî Yapmağla halkı dil-şâd eyledi Sâdır oldu hat vezîr-i â’zama Kal’a termîmini i’câd eyledi saf İbrâhîm Paşa’dır o zât Şâh-ı ‘âlem anı dâmad eyledi Hidmet- taʽmîr ile şâd eyledi Kaʽbe yapdı sân-ı Halîl-i Azerî Yalı Köşkü’nden der-Narlı’ya dek Saʽyını tâ öyle müzdâd eyledi İki yılda reşk-i Bağdâd eyledi Halk müstağni idi ebvâbdan Burc-ı bârular harâb olmuş iken Her kişi bir bâb i’câd eyledi Bî-bedel taʽmîr ü bünyâd eyledi Beyt-i vâhidde refîk-i hoş-edâ Hükm-i Sultân Ahmed-i vâlâ-cenâb Böyle bir târîh inşâ eyledi Hısn-ı İstanbûlu âbâd eyledi 1139 Narlı Kapu civârında bir zokak içinde kâ’in çeşme üzerinde muhakkel olan târîh şudur. Eyledi Hacı Mehmed hak içün Bu musaffâ çeşmeye bezel-neval Nûş iden ‘atşâna olsun ‘âfiyet Eylesün hayriye kabûl ol zü’l-celâl Geldi bu târîh pâk-i etmâmına Mesâfî cündâ-‘ayn-ı zülâl [‘Arab Kuyusu Mahallesi] Bu mahalle Narlı Kapu ile Samatya arasında vakı’dır. Burada bulunan mescidin bânîsi Ahmed Dede nâmında bir zâtdır. Vâkfîü’l-hâc Hüseyin Ağadır. Mescidin karşusunda bir çeşme ile kurbunda bir mekteb-i ibtidâ’î vardır. Mescidin minberi imâmı ‘Alî Efendi tarafından vaz’ olunmuşdur.

Istanbul Encyclopedia Archive has been opened to access in cooperation with Kadir Has University and Salt.