N3025

Person

Namık Paşa (Mehmed), Mehmed Namık Paşa, Mehmed Namık Pasha, Mehmed Emin Namık Paşa, Mehmed Emin Namık Pasha, Tercüme-i Hal, Biography, Otobiyografi, Autobiography

Document

Handwriting

Turkish, Ottoman Turkish

Open access

Kadir Has University

Pencil on paper

(Mehmed Namık Paşa) Konyalıdır sinn-i sagirde Der-sa’âdet’e gelüb bidâyet-i nizâmda 1241’de ‘askere dâhil olmuşdur. Yüzbaşı ve binbaşı oldukdan sonra 1246’da mîralay ve 48 muharreminde Mîrlivâ ve 50 evâ’ilinde Londra Sefîri olarak bir senede ‘avdetle 51’de ferîk olub Bahriye’de ve 57’de Trablusgarb’da bulundukdan sonra 59 zî’l-ka’desinin on dokuzunda bâ-rütbe-i vezâret ‘Arabistân Müşîri olmuşdur 65 Receb’inde ‘Irâk ve Hicâz Müşîri ve 69 safer’inde ‘ilâveten Bağdad Vâlisi ve 68 zî’l-ka’desinde Tophane Müşîri ve 69 recebinde Ticâret Nâzırı olmuş ve bu aralık me’mûren Paris’e gidüb 70 saferinde ‘avdet etmiş ve ramazanında infisâl eylemişdir. 71 muharreminde Hüdâvendigâr Vâlisi 72’de Kastamonu 74’de Cîde Vâlisi olmuş 75 muharreminde ‘azl edilmiş 76 zî’l-ka’desinde sâniyen ‘Arabistân Müşîri ve heftesinde Dâr-ı Şûrâ Re’îsi ve müte’akiben ‘ilâveten Hassa Müşîri 77 zî’l-hiccesinin on dokuzunda Ser-‘asker olmuş ve 78 rebi’ü’l-evvelinde infisâl ile müte’akiben sâniyen Bağdâd Vâlisi ve ‘Irâk ve Hicâz Müşîri olmuşdur. 83 zî’l-ka’desinde sâniyen Ser-‘askerliğe da’vetle 84 zî’l-ka’desinde infisâl eylemişdir. 88’de Şûrâ-yı Devlet Re’îsi olub 89’da ‘azl edilmiş 92 ramazanında Bahrîye Nâzırı şevvâlinde Ser-‘asker zî’l-hiccesinde ‘azl ile 92 rebî’ü’l-evvelinde Şûrâ-yı Devlet Re’îsi ba’de’l-‘azl Mecâlis-i ‘Aliyeye me’mûr olub 93’de Müzâkerât-ı Mühimme Komisyonu â’zâsı 94’de â’yândan olmuş 95’de bir aralık Tophâne Müşîri olub bâ’de’l-‘azl Tophânede teşekkül Nafi’a Komisyon-ı ‘ lîsi Re’îsi olmuş ve 300’de komisyonun lağvıyla yâver-i kirâm olarak müvehhiren ve şeyhü’l-vüzerâ oldığı hâlde 1310 Saferinin yigirmi ikinci günü irtihâl eylemişdir. Karaca Ahmed’de makbere-i mahsûsasına defn edilmişdir. ‘Arabiyeye vakıf Fransızca ve İngilizce lisânlarına âşinâ şebîh, sâdık, müstakîm, müdebbirhânesi idâresinde mümessil, ‘âkil bir zât idi.

Istanbul Encyclopedia Archive has been opened to access in cooperation with Kadir Has University and Salt.