S14028

Diğer

Sıhhiye Dairesi, Daire-i Sıhhiye, Public Health Department

Belge

El yazısı

Türkçe, Osmanlı Türkçesi

Açık erişim

Kadir Has Üniversitesi

Kâğıt üzerine kurşun kalem ve mürekkep

Tercümân-ı Hakîkat Pazar 5 Mayıs 1312 17 Mayıs 1896 4 Zi’l-hicce 1313 Dâ’ire-i Sıhhiyenin Resmî Küşâdı Dâ’ire-i Sıhhiyenin müceddeden binâ ve inşâsı reside-i hadd-i hitâm olmağla mâh-ı hâl-i rûmiyenin dördüncü dünkü cum’aertesi günü meclis-i umûr-ı sıhhiyenin â’zâ-yı ‘osmâniye ve ecnebiyesi temâmen hâzır oldukları ve lîmân riyâset-i ‘âliyesi mu’âvini ‘izzetlü Tahsîn Bey Kapudan ile Yeraltı Cami’-i Şerîfi imâmı mükerremetlü Efendi hazretleri dahî mevcûd bulundukları hâlde resm-i küşâd icrâ olunmuşdur. Meclis-i sıhhiye re’îs-i sânîsi ‘utûfetlü Ahmed Midhat Efendi hazretleri tarafından şu: Efendiler! “Evvelki seneki hareket-i ‘arzın güzel şehrimizde ikâ’ eylediği hasârât ve tahrîbât velî-ni’metimiz şevketlü padişahımız efendimiz hazretlerinin sâye-i ‘umrân-vâyelerinde taraf taraf ta’mîr ve ihyâ edildiği gibi dâ’iremizin dahî ber-muktezâ-yı irâde-i seniyye müceddeden binâ ve inşâsı resîde-i hüsn-i hitâm olmuşdur. Cümlemizin hiç bir zemân ferâde ferâde muvazebetinden fâriğ kalmamakda bulunduğumuz du’â-yı hayr-ı cenâb-ı cihân-bânîye bugün içimizde hazır bulunan imâm efendi hazretlerine ittibâ’en lisân-ı birlikle dahî âmînhan olarak meclis-i sıhhiyeye me’mûr delegeler ile işte bi’l-cümle me’mûrîn-i sıhhiye müvâcehesinde dâ’iremizin resm-i küşâdı icrâ olunuyor bu ‘inâyet-i seniyye-i mülûkâneden dolayı ifâsına mecbûr oldığımız teşekkürât-ı ni’met-şinâsane resmen hâk-pây-ı hümâyûn-ı mülûkâneye ‘arz ve terfî’ kılınacağı gibi ma’lûmunuz olmalıdır ki bu teşekkürün asl-ı cihet mâddiyesi şimdiye kadar oldığı gibi bundan böyle dahî umûr-ı me’mûremizde bezl-i nakdîne-i gayret ve sadâkatdir ki sa’y ve verzişânın mükâfât-ı tabî’iyye ve muhakkakası bulunan tevcihât ‘âvâtıf-ı gâyât cenâb-ı padişâhîye cümlemizi müstehak eyler diyeceğim bu kadardır dâ’ire-i cedîdemizin memleketimizi emrâz-ı müstevliyeden muhafazaya husûl-ı muvaffakiyetimiz ile berâber cümlemiz içün mübârek ve mes’ûd olmasını gâyet-i hakdan temennî eylerim” Bundan sonra da imâm efendinin du’âsını padişaha ‘âfiyet ve uzun ‘ömür vermesi du’âsını uzun uzun yazıyor. Dâ’ire-i Sıhhiyenin Resm-i Küşâdı Sıhhiye Dairesi

1896-05-17

Tercümân-ı Hakîkat, 17 Mayıs 1896, no. 5311/199, s. 1

İstanbul Ansiklopedisi Arşivi, Kadir Has Üniversitesi ve Salt iş birliğiyle erişime açılmıştır.